- Advertisement -
- Advertisement -
बारा । बारामा लागू औषध सहित एक जना पक्राउ परेका छन् ।
पक्राउ पर्नेमा रौतहटको मौलापुर नगरपालिका वडा नं.०३ गम्हरीया बस्ने अन्दाजी २० वर्षीय अनिल बैठा रहेको बाराका प्रवक्ता एवम् प्रहरी नायब उपरीक्षक दधिराम न्यौपानेले बताए ।
प्रहरी चौकी पथलैयाबाट खटिएको प्रहरी टोलीले जिल्लाको जितपुरसिमरा उप-महानगरपालिका वडा नं. १ पथलैया चोक स्थित मौलापुरबाट काठमाडौँ तर्फ जाँदै गरेको प्र.०३-००१ ख २७०१ नं. को यात्रु बाहक बसलाई रोकी चेक जाँच गर्ने क्रममा प्रहरीले बैठालाई पक्राउ गरेको हो ।
उनको साथबाट डाईजापाम-१ सय २ पाता २ हजार ५ सय ५० पिस,नाईट्राभेट ३ सय ११ पाता ४ हजार ६ सय ६५ पिस र नोरफिन ५० पाता १ हजार २ सय ५० पिस लागु औषध प्रहरीले बरामद गरेको छ ।
ट्याबलेट सहित युवकलाई नियन्त्रणमा लिई आवश्यक कानूनी प्रकृया अगाडि बढाईएको न्यौपानेले बताए ।
